Xush Kelibsiz!
Manzil Chilonzor tumani, So’galli ota ko’chasi 5- uy
single
Birlashgan Arab Amirliklari

Birlashgan Arab Amirliklari – ettita: Abu-Dabi, Ajman, Dubay, Ras-al-Xayma, Umm-al-Kayvayn, Fujeyra va Sharja amirliklaridan iborat federativ davlatdir. Mamlakat prezident tomonidan boshqariladi, ushbu vazifani odatda eng yirik Abu-Dabi amirligining amiri bajaradi. Mazkur amirlikning poytaxti bo`lmish Abu-Dabi shahri BAAning ham poytaxti hisoblanadi. Mamlakatdagi eng yirik va boy amirliklardan bo`l­gan Abu-Dabining bunday yuksak mavqei ko`p jihatdan­ BAAning ma’muriy qurili­shi har bir amirlik o`z hu­­dudidagi uglevodorod za­xiralarini mustaqil tasarruf etish huquqiga egaligi­ bilan bog`liq. Shu tariqa o`z hududida qancha neft za­xirasiga egaligiga qarab u yoki bu amirlik mamlakatning umumiy siyosa­tiga ta’sir eta oladi. Ma­sa­lan, Du­bay amiri BAA hu­kuma­ti­ning boshlig`i hi­soblanadi. 1971 yilning 2 dekabrida Shartnomaviy Ummonning etti amirligidan oltitasi BAA nomli federatsiyani tuz­ganliklarini e’lon qi­lishdi. Ettinchi amirlik – Ras-al-Xayma unga 1972 yili qo`shildi. ozir BAA aholisi ayni damda 10 mil­lionga yaqin, shundan arablar uchdan bir qismini,­ tub aholi esa 11 foizni tashkil etadi. Qolganlar esa Pokiston, Hindiston, Bangladesh, Shri-Lanka, Filippin, Yaman, Iroq, Misr, Sudan, Somali, Efiopiya, Tanzaniya, Eritreya singari davlatlardan vaqtincha ishlash uchun kelganlardir. Mamlakatda yashovchilarning 85 foizi uning fuqarosi hisoblanmaydi. BAA fuqarolarining de­yarli barchasi musulmonlardir (85 foizi sunniylar, 15 foizi shialar). Migratsiya xizmatining ma’lumoti­ga ko`ra immigrantlarning ham 55 foizi musulmonlar.­ Arab tili mamlakatning rasmiy tilidir. Shuningdek­, bu erda ingliz, hind, urdu va fors tilida ham gaplasha­dilar.